أهلا وسهلا بك زائرنا الكريم في فتكات، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .







طريقة عمل حمامات كريم للشعر كامل خطوة بخطوة

طريقة عمل حمامات كريم للشعر فتكات موضوعي النهاردة عن اسهل طريقة لعمل كريم الشعر في بيتك هيغذي شعرك وينعمه وريحته جنان طب ..



31-01-2021 04:07 صباحا
لمسة جمال
فتكات مشاركة
معلومات الكاتب ▼
تاريخ الإنضمام : 29-01-2021
رقم العضوية : 153
المشاركات : 9
الجنس : أنثى
يتابعهم : 0
يتابعونه : 1
قوة السمعة : 10
 offline 

طريقة عمل حمامات كريم للشعر فتكات
موضوعي النهاردة عن اسهل طريقة لعمل كريم الشعر في بيتك هيغذي شعرك وينعمه وريحته جنان
طبعا كولنا عارفين اهمية كريمات الشعر لتغذية البصيلة ونعومة الشعر ولمعانه بشكل حلو اوي
لكن مع ذلك برظوا الكريمات دي تدخل فيها مواد كميائية واولها المواد الحافظة
واحنا عايزين الشعر يستفاد بصورة كبيرة من الكريمات دي طب حنعمل ايه بقى 
واي بنت تفضل محتارة تشتري انهو نوع مناسب لشعرها او مثلا ده هينفع ولا لاء وكدة
ويمكن الكريمات دي تكون سبب تساقط الشعر وكدة وليه بقى كل ده
تعالي اعملي كريمك بنفسك ياقمر بدون مايضر شعرك وكمان هتحسي بنعومة وريحة جنان هتفضل
بشعرك ليومين او اكتر بامر الله وكمان كريمك ده من مواد طبيعية مية في المية وهنا بقى
اختكم همسات جايبالكم اسهل واحلى طريقة لعمل كريم الشعر تقدري تستخدميه لاي وقت
وكمان هيقعد معاكي لاكتر من اسبوعين ان شاء الله وعن تجربة بس لازم تحتفظي فيه في التلاجة
عشان الكريم طبعا مافهوش اي مواد حافظة وبكدة لازم تحتفظي فيه في التلاجة عشان مافسدتش عندك
دلوقتي بقى اتكلمنا كتير وحندخل بقى في الموضوع وطريقة العمل يلة بقى تعالو ا معايا

اولا هتحتاجي الاتي :

لكن قبلها بحب افهمك على حاجة مهمة
بصي ياقمرة
المكونات دي اللي مش لازم تستبدليها ابدا هي كلاتي
1 عسل النحل ده مالهوش بديل لازم عسل نحل
2 بياض بيضة لو عايزة كمية كبيرة ممكن تستعملي بياض بيضتان ولو هتعملي كمية صغيرة ممكن وحدة
انا بقى استعملت بيضتين هنا
3 هتحتاجي زيت الزيتون الفاتح لازم يكون لون الزيت فاتح ويعني الزيت المخفف مش المركز فهمتي
ياقمرة وده موجود عادي عند اي عطار بس قوليله عايزة زيت زيتون لونه فاتح ماشي
4 زيت السمسم عشان ده يساعد على نعومة الشعر وفرده بشكل حلو اوي
5 زيت عطري عشان تخلي ريحة الكريم حلوة جدا
انا استعملت زيت الورد المركز بس لو معندكيش اي نوع عطرية
ممكن زيت الياسمين برظوا هيديكي ريحة حلوة اوي
6 زيوت طبيعية تانية مخصصة للشعر عشان تغذية الشعر ولمعانه وكمان هتساعد على الفرد
حتحتاجي شوية زيوت طبيعية انا جيبتها هنا بس تقدري تغيري منها لو حبيتي ويعني اي نوع
زيوت تعرفي ان شعرك هيتسفاد منها اكتر ممكن تحطي بدل الزيوت دي اللي انا حاطاها هنا
ممكن تستبدلي منها بزيوت تانية حسب رغبتك لو حبيتي ممكن تستبدلي نوع او نوعين
انا بقى استعملت الزيوت دي
1 زيت جوز الهند وطبعا كولنا عارفين اهميته للشعر
2 زيت اللوز الحلو
3 زيت حبة البركة ودي بتساعد على لمعان الشعر وتطويله بسرعة ان شاء الله
وطبعا الزيت الورد او زيت ياسمين حسب اللي عندك او ممكن زيت عطري اي نوع عندك

وطبعا هتحتاجي علبة كريم شعر حجم كبير فاضية عندك او اي علبة تانية مش مهم ماشي

نيجي بقى على طريقة العمل
اول حاجة هتعمليها ياقمر تجيبي الخلاط وتحطي المكونات اللي هقولك على مقاديرها بالضبط
لكن انتي بقى هتحطي الحاجات دي اللي هقولك عليها طبعا في الخلاط ومش في الطبق فهمتي ياقمر

اول حاجة هتعمليها بقى
حطي معلقتين اكل عسل نحل في الخلاط عندك 

تاني حاجة بقى هتكسري البيضتين وهتاخدي منهم البياض فقط 

حطي بياض البيضتين دي فوق العسل اللي في الخلاط عندك

بعد كدة بقى حطي معلقة اكل زيت حبة البركة فوق الخليط برظوا وممكن تستبدلي زيت حبة البركة بنوع زيت تاني
حسب رغبتك ماشي ياقمرة بس انا حطيت الزيت ده

بعدها بقى حطي معلقة اكل زيت جوز الهند في الخليط كمان

بعد كدة ياقمرة حطي معلقة اكل زيت السمسم وزي ماقولتلك الزيت ده مالهوش بديل ويعني لازم الزيت ده

بعدها بقى حطي كمان معلقة اكل زيت عطري اي نوع حسب رغبتك وانا حطيت زيت الورد لكن نسيت اصورهم
اسفة بكدة
بعد كدة بقى هاتي زيت الزيتون اللون الفاتح وحطي منه نص كوب زي مواضح عندك هنا ياقمر

هتقيسي نص كوب بالضبط وبعد كدة حطي الزيت اللي في الكوب ده فوق الخليط كمان

طبعا كل المكونات دي هتحطيها في الاول بالخلاط الكهربائي زي مافهمتك ياقمرة وانا قولتلك اني
حطيتهم بالطبق فقط عشان التصوير ماشي

شغلي الخلاط بقى لثواني واطفيه بس عشان يتخلطوا شوية وبعدها استني لحظات وشغليه تاني
برظوا لثواني تانية وارجعي اطفيه للحظات وبعدها شغلي مرة تالتة بقى واستني اقل من نص دقيقة
لحد مايكون عندك الكريم لونه ابيض وبعدها اطفي الجهاز فورا ماشي

بعد ماتخلصي الحكاية دي فرغي الكريم اللي في الخلاط ده في العلبة الفاضية عندك

وزي ماتشوفي ياقمر ان الكريم هيبقى عندك تقيل حبتين كدة ولونه ابيض

وبعد ماتفرغيه بالعلبة الفاضية اللي عندك ياقمر اقفلي العلبة وحطيها في التلاجة لكن مش في الفليزر
عشان مايجمتش اوي عندك فهمتي ياقمرة
وبكدة بقى عندك حمام كريم شعر طبيعي تقدري تستخدميه لاي وقت عايزاه وزي مافهمتك ياقمرة
ان الكريم ده من مواد طبيعية لازم تحفظيها عندك في التلاجة هتكفيكي لفترة اكتر من اسبوعين
ان شاء الله وعن تجربة وكمان الكريم ده بعد ماتحطيه في التلاجة هيكون اتقل اكتر لما يبرد

طريقة الاستعمال
انك تحطي لشعرك قبل ماتدخلي للحمام عشان بساعتين فهمتي ياعسل
وكمان انك هتحطي من الكريم ده من الجذور لغاية الاطراف لشعرك
وبعدها تغطي شعرك بالبونية البلاستيك وبعد كدة تغطيه بفوطة وتسبيه مدة ساعتين
او على الاقل ساعة كاملة وبعد كدة بقى ادخلي الحمام واستحمي عادي بالشامبو
وبكدة هيكون شعرك حلو اوي وناعم ومتغذي من غير اي مواد كيميائية تضره
وبكدة بقى انا خلصت موضوعي ده ويارب يكون عجبكم ونال رضاكم ومع الف سلامة ياقمراتي

آخر مواضيع القسم

تقييم الموضوع:
الرجاء تقييم الموضوع
طريقة عمل حمامات كريم للشعر كامل خطوة بخطوة
5 من 5 بواسطة: 1 تقييمات



المواضيع المتشابهه
عنوان الموضوع الكاتب الردود الزوار آخر رد
افضل حمامات كريم للشعر الجاف والمتقصف marwaabozyada
1 2160 marwaabozyada

الأعضاء الذين شاهدوا الموضوع: 2
Monna ، نونا انا ،

الكلمات الدلالية
طريقة ، حمامات ، كريم ، للشعر ، كامل ، خطوة ، بخطوة ،


 







الساعة الآن 09:15 صباحا


وسوم المنتدى